Nak cari mano lagu ni mo, awe weii??

Bismillahirrahmanirrahim.

Assalamualaikum wbt.

Kelate mene Piala Malaysia.

Haha.

Maahla lambat,

tapi supo oghe putih kato,

better late than never.

Dihh?

:)

Ambo ajatnya malah nak kecek banyok.

Malah jugak nak share gamba Piya ko, Indra ko, Annuar Musa ko..

Cuma, nok tunjuk gamba ni jah ko pok2 demo..

Sleke laa kelih..

Ni gamba masa KAFA tunjuk Piala Malaysia hok Kelate buleh ko sulte Kelate lepas 89 tahun dok tunggu. Akhirnya sapa jugok di bumi Kelate ni, pada masa pemerintahan Sultan Faris Ke-V. 

Tok tahu la bakpo, tapi ambo suko panggil sulte baru ni dengan nama baginda. Tengku Faris. Sedap jahh bunyi... :)

Oghe putih ado jugok kato,

a picture worths thousand words.

Tapi sikit jah ambo nak kato sini,

nak cari mano lagu ni mo, awe weii?

Pehe x maksud ambo?

Nak cari mano sulte hok pakai pioh gi dinner di hotel?

Renaissance pulok tu!

Nih..

tgk hok nih pulok..

Hensem kea sulte Kelate?
Beriman jahh napok.
Sejuk ngelih..

Jazakallah..

Kecek pasal ore blake baginda pulok.

Hoh, hok paka jubah tu!
Tu lah Tengku Mahkota Kelate!

Adik kakok abe pok cik mok cik tok mek...

Acu oyak ko ambo,

kerabat mano masuk hotel pakai jubah?

Heh??

Allahuakbar!

Entry ni ambo tulih bukea nok kato xbrehi dengan pakaian Sultan Muhammad Ke-V denga Tengku Mahkota tu..

tapi nak oyaknyo...

AMBO BANGGO,

sulte negeri ambo dressing gitu gi dinner di hotel.

Nok cari hok mano lagu ni mo, awe weiii????

Jadi, 

kepada sapo2 hok slamo kenin takut bena denga pioh,

sakk takut dohla..

Sebabnyo,

kalu sulte pun bulih paka pioh gi hotel,

xkea kito xleh?

Bia lah ore nak ngata pun!

Kalu style moondance gemulah Michael Jaxkson bulih tiru,

style Hillary Duff makaiiye bulih tiru,

style Inul Daratista joget pun bulih tiru,

xkea paka pioh gi function xleh tiru?

Demo pikirla sndri!

Daulat tuanku!

Selamatlah Kelantanku.

:)

Sekian, wassalam.

p/s: gapo2 terkasar bahasa ambo mitok maahla. mitok maah sokmo ni molep, jange ego sangat sapa salah sndri pun tunggu ore lain mai mitok maah nga kito. kaba ko diri getek!

p/s 2 : Pasal Erra Fazira tulis status kat FB dio kaitkan team bola Kelate masa Piala Malaysia baru nihh, bakpo ore Klate nak marah sangat sapa bukak FB baru suh Erra mitok maah nga ore Kelate? Lek2 la weiii.. Gura jahh tuh.. Jange temper sangat.. Buruk namo Kelate jugok. Sobarla.. ingat Allah, ingat Nabi, ingat Tok Guru.. Jange wat malu pok kito!