Muqaddimah..

Assalamualaikum wbt..

Uisy!

Shu, ambo dop retilah nak start gano..

Erm,
meh start ngan penghargaan..

Sekalung penghargaan ambo buwi ko sahabat ana, shu hok banyok bersusoh payoh mencipta blog ni..

Pahtu, ambo nak oyap satu mugo petim ko pok2 demo.. Blog ni, stakat ni, ado duo writers. Ambo, ake guno 'Ambo'. Saem ambo, shu.. Dop pasti ag dio nak guna gapo. Tapi, kalu demo napok 'Ambo' dale post tu, maknonyo, ambolah hok tulih post tuh..

Harap maklum..

Aiz..

Payoh la plop nak kecek klate kito ni. Memela mace asobiah sket.. Tapi, ni untuk membuktikan bahawa ambo bangga jadi anak Kelate. Sepanjang idup ambo, ramai ore luar memandang rendah pada pok2 kami.. Pok2 ore kelate. Salah satu faktornyo, bulih pok2 dio kato pok2 ambo ni ketinggalan? X reti speaking?

Eh, hello!

Pok2 ambo ni zuhud. Tawadhu'. Rendah diri. Dop payoh nak speaking lah dapat ko nak kecek duo tigo patoh. Makno dio tulo jah..

Erm, ambo pehe kalu ado oghe dop pehe gapo ambo dok bobey ni.. Sobar jah la deyh.. Dop pehe, tanyo.. Jange dop wat bodo sombong gituh..

Objektif ambo nak buat blog ni sama sekali bukan nak mewujudkan sifat asobiah dalam jiwo rago ambo dan sahabat. Cuma, ambo perlukan satu medium untuk ambo kongsi cerito ambo sepanjang ambo dikelilingi oghe2 Kelate hok ambo saye. Maksudnya, keluarga ambo, saem2 ambo, cekgu2 ambo, pok cik bah, kak 7-E, abe jual kepok depe BSN.. Pok cik jual air depe PT..=D

Erm, stakat tu ah dulu muqaddimah.. Ambo arap pasni, sahabat ambo plok hok tulih.. Pah dio tulih, baru ambo tulih plok. Gilir.. Adil, dop?

=D

Stakat tu la dulu.. Hok dekki ko gapo, sobar2 la deyh. Hok dop pehe.. tanyo la..

Wassalam.

~Ambo..