Selamat Maju Jaya!

Assalamualaikum wbt.

Lamooo nyo ambo dop nulih sini. Mitok maah banyok2, ambo buke dok se nulih.. Tapi, utk pengetahuan antunna sekalian buana.. Duo kali doh ambo nulih sini, tapi bilo nak post blog, mission fail. Error la, gotu la, goni la.. Sapa ko satu tahap, malah sero nok nulih sini. Mujolah semangat maghi balik.. Alhamdulillah..

Banggo sumguh ambo apabila melihat bilangan followers hok bertambah. Alhamdulillah, ada jugop hok sudi ikut blog hok serbo kekurange niyh.. (ehem2, ayat zuhud!) . (Walopum ambo nga shu sndri pung follow blog ni dgn 2-3 nick! hehe)

Pahtunyo.. Ambo pung sero banggo jugop bilo blog ni makin ramai penulisnya.. Dadopla ambo nga gewe ambo, Shu jah. Lamo kea antunna boring plop.. Kea3? Hok ambo tahu, Shu invite saem dio jadi author bersamo.. Nash uh.. Saem ambo nga Shu, Madihah pung nulih doh jugok. Madihah tu boleh dilihat penulisannya di blog dio sndri, http://www.madihahdisini.blogspot.com/ hok tok tahu bilo wujudnyo.. Terbaru, Shu oyap dio invite soghe kak yg baek budi pekertinyo, Kak Teamoh jadi authress bersama..

Koho rama oghe, koho meriah. Gapo hok oghe mato biru oyap..

The more, the merrier???

Heheh.. maahla kalu saloh. Ambo dop reti Bahaso Inggerih ni.. Urdu bleh la sket2.. =D


Jadinyo.. denge bertamboh jumloh penulis, mako secara otomatiknyo, jumloh post haruslah lebih bayok, kea. Haa, Nash! Sempena kena dok dale tin a.k.a kuarantin, rajeng2 la nulih. Exercise tange tuh sket aa! Madihah, post lah lagi. Kak Teamah, terimo lah invitation jadi authress tuh. Mace dop beso keno invite. Hehe.. Shu nga ambo plop, ake memerhatike perkembange blog ni dari jauh. Kalu segho nok nulih, kami nulih. Kalu dok, baco hok antunna sekalian la..

Pahtunyo.. Sesapo hok berminat nak jadi author and authress bersama getek, dop saloh. Meh sini biodata diri, blog and hok petim sekali emel. Cthnya, kalu cik irnasofia nak nulih sini getek, sleke2 la bagi biodata.. Nama gapo, ado gewe ko dop.. Hehe. Pahtu, mehla link blog. Nati ambo nga Shu nilai. Layak ko dop. Pahtu, ake ditanyo soale tahap nak ambik Phd. Hehe..

Gegapo pung, ambo dop kea lupoke blog ni walopun ambo ado doh blog sndri.. Jange bimbe. Ambo nga Shu ake sokmo2 dok peghati ko antunna. Menghantuimu... Haha. Moga2 penulis2 kito bulih wi all the best. Besarlah harape ambo nga Shu agar antunna summo bulih ambek iktibar dan pengajare daripada cerito pok2 kami sini.. Hok tersurat, ambik slalu. Hok tersirat, gali2 la sket.. =D

All the best, Nash, Madihah and Kak Teamah.. Selamat Maju Jaya.

Ambo nga Shu, insya Allah nga antunna sokmo. Dop gitu, gewe? =D


Forever with antunna... Insya Allah.



Wallahu'alam.

Wassalam.

Ikhlas,
1st Admin,
~Ambo.

p/s : Kepada sesiapa yang tak memahami isi kandungan blog ini, sila bertanya di kaunter ShoutMix. Perminataan anda akan dilayan sebentar lagi. Terima kasih. Ayuh, belajar Bahasa Kelantan! =D