Lemoh..

Assalamualaikum wbt..




Erm...

Kube jah napok blog ni.. Senyak sunyi.. Dadop hok menghidupkannya.. Wakaka.. Ingat male lailatulQadr ko nok qiam, qiam? Ngarut sumguh ambo nih!

Ambo dop se la kecek banyok ari ni.. Ni pung ambo nulih sebab nak praktis lenguh tange. Esok exam BM, wojib lenguh tange! Jadi, kito praktis awal2.. Kea mudoh..

Erm.. ambo nok kecek ari ni nyo pasal kito, Islam vs Barat..

Wah!

Besar kea tajuk tuh.. isu global tuuuu..

Dop payah nak kelih jauh2.. Kito gi ko oghe hok dekat ni jah.. Ho, ambo la.. Sapo lagi..

Erm, alkisah..
Ambo tengok gok cito King Kong di TV3 ari Jumaat baru nih.. Pahtu, dop puah aty tengok Jack Driscoll hok hensem tuh smeta jah sebab dio sambung cito ni mggu depe, ambo sambung kelih CD.. meme ambo adop CD King Kong, tangok doh sekali nga abe kakok.. Tapi dop perase la ko mamat niyh.. Smat ka'loh!

Pahtu, ambo pun tahu la namo dio Adrien Brody.. Walopung maso tuh kul 1 pg lebih doh, ambo smangat lg dop wat kajie pasa makhluk ni kat ntenet.. Meme smat! Sapa ko ambo copy gamba2 dio masuk pendrive. Ambo search pasal diri dio.. Ngapa so, so..

Namo dio Adrien Brody. Tinggggiiiii kakah ni.. 183 cm. Samo tggi nga lemari baju nih kalih.. Umo, 36.. Lahir, 14 April 1983.. Baru lepah putuh gewe denga model, Elsa Pataky sebab tino tuh gi cari jate lain.. Boring doh kalih nga Adrien niyh sebab pok2 dio gewe sejak 2006. Adrien ni dilahirkan di New York City. Warganegara Amerika Syarikat dan hok paling ambo sebok sekok dale dado... dio ni beragama Yahudi.. dop saloh ambo, Yahudi ni supo jah denga Kristian.. Kapir..

Ambo nih, sebelum mendapt penginsafe gini ni.. Kemain ag tulih di blog friendster ambo sndri, ambo ni Adrien Brody's Maniac Suddenly!

Huh..

Pahtu, ambo baco satu artikel keluaran Badan Dakwah dan Tarbiah Islamiah (BAKTI) Maahad Tahfiz Sains takdi.. Sentap molep! Kejatuhan dan Kegemilangan Granada.. Oghe2 Kristian ni lah hok dok tipu umat Islam. Pahtu siap wat celebration lagi sbb berjaya tipu umat Islam. April Fool disambut sempena kejayaan pok2 kapir tu memperbodohkan umat Islam di Sepanyol pada 1 April. Tapi, acu mikir.. Sapo hok sambut April Fool jame loni? Umat Islam jugop....

Ambo pung kaitke hal Kristian tipu Islam ni denga kegiloan ambo terhadap Adrien ni.. Jahilnyooo ambo minat gini mo menah ko jate hok keturunan asal silahnya oghe hok dok tipu umat Islam suatu ketiko dulu? And, bodonyo ambo kalu ambo terus minat dio walopung ambo dapat doh hidayah..

Oleh itu, ambo nok umumkan, ayuh boikot Kristian!

Tok tunggu ko Israel tembok Palestin, Yahudi peghe Iraq, Amerika bedil Afghanistan baru nok boikot... Ni pung keno stat boikot doh.. Bakpo gak dok perajo ko pok2 kapir tuh? Dohla tiru caro pok dio makai, pahtu dok sanjung tggi2.. Heh, kaba sket!

Lagu2 oghe putih, jadi feveret oghe Islam lonih.. Padahal gapo dio tahu hok dio nyanyi.. Maksiat ko, pasal tuhe dio ko.. Doh nak wat gano? Lagu hok oghe Islam nyanyi pung kalu translate gi ko B. Inggeris, berunsur maksiat supo tulo..

Makane? Oghe kito loni banggo bulih make steak, lasagne, spagethi, burger segalo.. X ingat doh kelazatan buah tamar, buah jabik, buah tin, buah zaitun.. Dop kenal doh kali budok2 jame loni buah tin tu gapo.. Kot2 ado hk ingat ting sekut..

Pahtu.. sapo hok jadi ikute remaja jame loni? Britney Spears, Lindsay Lohan, Avril Lavigne, hoh.. Gapo ko namo lagi, ambo pung dop hau.. Ashley Tisdale? Hannah Monatana? Hillary Duff? Eeiiiyy! Kaba dop? Kito dok sini jah dok perajo ko pok2 tuh.. Di tepak dio nuh, pok2 dio tuh brapo kali doh turun naek mahkamah, masalah juvana? Kalu artis Malaysia, lamo doh keno tohuk negeri..

Pahtu, dok gilo ko sapo doh? Justin Timberlake, Sean Kingston, David Archuleta, Adrien Brody (ambo latuh!), Johny Depp, Orlando Bloom segalo mace namo... Tapi, dok sanjung kakah2 sup hok dok tegok arok supo minum air sejuk?

Hey!

X ingat doh ko Muhammad bin Abdullah? Sapo???!! Rasulullah SAW! X ingat doh namo penuh baginda? Parok2..

X ingat doh ko Hassan Al-Banna? Sapo?! AlSyahid Imam Hassan Al-Banna.. Pemerintah yang gagah, namun dibunuh oleh pengecut Yahudi pada usia beliau 43 tahun. Sepanjang 22 tahun jah memerintah ( samo lamo ngan Tun Dr Mahathir), tapi dio dikenang, disanjung sapa ko ari ni..

X ingat doh ko Tariq bin Ziad? Pahlawan Islam yang bertanggungjawab memperkenalkan Islam di bumi Sepanyol. Siap tawan kawasan sekitar.. Perancis, Kota Carcassone, Nimes, Bordeaux, Lyon, Poitu dan Tours. Tapi, sapo pege Sepanyol loni? Kapir!!

X ingat doh ko Siti Khadijah? Ummul Mukminat pertamo? Zaujah Rasulullah SAW hok sgt baginda cintai?

X ingat doh ko Maryam bintun Imran, ummu Nabi Isa? Wanita hok sangat tabah! Dio ngandung sebab Allah takdirkan dio ngandung.. Sedangkan dio suci lagi.. Tapi, dio tok tohuk anok dio.. Manusio jame loni? Sebab perbuate sndri, tapi kalu ngandung.. Anok gugur! Dop pung, tohuk dale tong sapoh, lube jambe.. Hok baek sket, tggal tepi sejid.. Konon2 nok tutup malu..Maryam hok suci ni pung keno keji, xke antunna hok tohuk anok2 xdoso tu nak keno puji??

X ingat doh ko Rabiatul Adawiyah? Sanggup dop nikoh sebab nak abdi dan abadikan diri pada Allah.. Kito??

X ingat doh ko Asiah? Wanita solehah bergelar permaisuri kepada Firaun, raja yang zalim? Isteri.. Hakikatnyo, beliau masih suci. Setiap kali Firaun berhajat kepado Asiah, Allah tykarkan tempat Asiah denga makhluk lain. Dop silap ambo tuka jadi sete, hok berwajah Asiah. Jadinyo, Firaun jimak denga sete, buke Asiah. Asiah suci! Berani! Kito???

X ingat doh ko Sumaiyyah? Tangan yg disangka lembut menghayun buaian, menggoncang dunia mencipta sejarah..

X ingat doh ko Masyitah, hok keno rebus dale air panah dok tgh gelegok bersama keluargo de Asiah, isteri Firaun sebab beriman kpd Nabi Musa? Kalu staro ambo hok ime setebal kulit bawe ni pung belum tentu sanggup ak terjun dale kawoh air panah tu.. Kalu dale swimming pool nak la jugop..

Tu lah.. kito koho lemoh.. LEMOH! Tapi, kaba dop??

Huh!

Gano nak kaba?

Kalu majoriti penghuni penjaro, pusat serenti, spital saket jiwo, pusat2 karaoke, kelab2 male.. Adalah melayu a.k.a ISLAM??? Sapo ISLAM?? Kitolah salah soghe drp tu.. Kaba ko dop??!!

Ambo sedih tgk masyarakat aghi ni.. Mace kato gewe ambo, Shu.. kito jadi miskin loni.. Pakat dok pinje hok oghe jah blako..

Baju adik, sluar jing, slipa jepung..

Sekking dooh ko???

Xleh ko beli baju hok besar skit? Xleh ko bli kain 2 meter, wat kain sarung? Xleh ko beli stoking? Staro tu nah miskinnyo kito..

Buke stakot miskin pitih, miskin ilmu, miskin amal.. Iman apatah lagi..!!

Kade2 tu, ambo raso.. Nok nepik jah... dop soh dok paka tudum la kalu jaghe supo napih tey jah!

Dop soh dok paka tudum la kalu baji sikak ketoq!!

Dop soh dok paka tudum la kalu sluar ketak supo nekak di betih!!!

Mok cik-mok cik pung.. Kemain ag paka baju kurung.. Akhlak kughe sikit. Ambo dok peghati, naek bah berebut-rebut.. Sak goba, mok cik! Sumo oghe nok naek bah! Sumo oghe nok duduk! Sume oghe nok kelik dumoh! Buke mok cik soghe!

Pahtu, mulut.. Atah bah jadi tepak gosip.. Dop kiro doh dok nga sapo. Asalke oghe tu bleh kecek, SLALU! Gosip gotu, goni.. Heyre ambo.. Kaloh paparazzi!

Ambo arap sgt.. Adik kakok, antunna sumo bleh ambek siket sbanyok kato2 ambo hok berjelo niyh.. Mitok maah la kalu kasar.. tapi kito keno sedar, Islam koho LEMOH! Sapo hok bawok Islam? Kito! Jadi, KITO hok LEMOH! Kito hok menyebabke ISLAM LEMOH!

Kaba la!!!

Maghi la kito samo2 tohuk budaya Barat dale kehidupe saghi2.. Hok buleh amal dgn syarat x langgar syariat, sleke la.. Tapi, kalu sapa belake ke agamo, tohuk2 la amale tuh.. Dgr lagu, lalai.. Leko.. Lagho.. Tengok jate smak tino comey, zina! Zino mato! Zina hati! Bo, bo lah.. Tohuk blako raso hok pelik2..

Ambo pehe, kalu ado hok kato ambo ni daghak.. Ketinggale zame.. Dop open minded. Sleke la mikir gituh.. Sebab ambo ni insya Allah ikut Islam. Kato ko ambo ketinggale zame, supo kato ko Islam. Pdhal nabi oyak doh, Islam nih song nga dunio ni sapa kiamat! Jadi, nak kato gapo, kato la.. Ambo cayo ko diri ambo sndri..




Tapi kalu antunna ikhlas tegor ambo dgn teguran membina, insya Allah ambo terimo, and ake ambo pertimbangkan. Pasti!

Ho lah.. panje dooh doh ni.. Begheti la dulu.. Tange lenguh doh..

Hok baek sumonyo dr Allah. Hok buruk, kelemahe ambo. Samo2la bekki. Tego2la kalu ambo ado wat saloh silap..

Wallahu'alam.

Wassalam.

Ikhlas,
Ambo.

p/s: Dop puah aty gegapo2, oyap la deyh..