nek bah

Assalamualaikum...

sihat blako key?alhamdulillah.kalu dop pung,koho2 la.insya'ALLAH.sega molep blako.

erm..loni pung H1N1 serey pah ko klate.mujo Maahad dadop kaba lagik.sakni saem Shu skoloh Naim tepon.oyak skoloh dio tutup ari Ahad mggu depe.jadi sapo2 hok ado gewe skoloh Naim bleh r.Shu nok dating nge gewe Shu tuh 2 ari.xpade saghi.xdey nok lepah ghindu.ari jumaat nge sabtu.haha..gi 2syen siyh!tringat ayat Ustaz SuAzhar.ado ore oyak gini r.tp...Shu dadop agy.biarlah~

"Ambo dop takut H1NI.Ambo takut B1N1...adess!takut ko BINI!"

Shu nge gewe Shu uh...masih bersama.hok skol Naim uh..x Shu..!jange sero deh GEWE BARU.gewe burok uh.haha..


marin key supo skalo la,Shu kelik dumoh.haha!naik bah[bas].dok nge saem Shu.Cik lavender.pahtuh,kito kecek la.sedap2 jah sajo.pasa blako.sumo ado.tolok mok nge ayoh jah.

erm..tibo2 tubik pasa aurat.Shu pun oyak r supo Ustaz SuAzhar kato maso seminar Nahu Sorof.
lebey kure gini r ayat dio.

"Ore jamey loni pinje blako.Paka baju adik.Lua jin[seluar jeans].Lipa jepung[selipar Jepun] "

Haha.Yolo la gapo Ustaz oyak tuh.kat Klate pung koho rama doh Shu napok.Pesen2 sero comey paka g2 key.sleke la.Sambung kelik.Atas bah sakni key.

Ado la sore kak ni.Dio denga kali gapo Shu kecek nge Cik lavender.Muko dio tibo2 jadi bekeng.Takut sakit hati dio jah.Sebab memey gerenti doh Shu dop key mintop maah nge dio.g2 la pah sudoh.kito sambung2 kecek.pas2 kak tuh pung gi alah len.diri depe.kito duduk.juruh dop?hok muda kene saye,hok tuo kene respek.

tapi hari niyh kito sbena dok depe.kito bralih dok alik blake,buwi ko mok cik hok dop brapo tuo duduk nge kak hok mudo.kito nok buwi ore duduk pung kelih2 jugok.haha.dasat2!kito gi dok blake nge saem kito.namo dio Tikah.Shu memey rama saem,sep2 kelik nge bah skali.Dini,Tikah,Balqis,Mimi,Zeti,Fatin,Afiah,Malin,Syahirah,Nadhirah,Maiza,Raihan.pas2 ado 2 ore kak ni.kak Effa nge kak Nisa'.sportim sajo sep2 kito.seat alik blake skali dale bas uh memey hok Tikah nge sep2 dio r.sokmo ugop,MULO,Tikah jago seat ko Shu.time Shu dop belago angin nge Cik lavender,Shu dok nge sep2 ni..lalalala~~~~numpey molep.Shu bayar deh tambey bah.
seriya tujuh bena.tiap2 hari plop uh.smenggu gak sebelah ya semile puloh sen.maha weyh!

kade2 gerey[geram].nge Pok Cik bah,lamo gilo nunggu.sejey duo tuh gholit r.huhu.tapi dale2 rama2 Pok Cik bah hok Shu saye banyok kali gak..ehem2!Pok cik Redio r.Shu memey paka bab2 gela ni.jange cari pasa r,lamo key Shu gela.haha...!Pok cik Redio ni.macho!tuh hok petim.sebab pggil beliau g2...jeng3!

Pok cik Redio ni sokmo etek pasey redio kalu nek bah dio.sokmo gak lagu jiwo r.Shu tahu lagu pung atah jaso Pok cik Redio.Trimo kasih,pok cik!!...nok taip sini banyok lajok lagu Shu denga atas bah Pok cik Redio..haha..dop dey.lorat ni!

pas2..no 3!Pok cik Redio ni behi bena bawok bah laju2..pehe jiwo.kito nok kelik rumoh cepat2..niyh la sebab musabab kito saye ko Pok cik..puok2 ni memey saye blako ko Pok cik Redio!

no 4..Pok cik ni sengih sokmo.

no5..sokmo bilo Shu kato,bley2 nunggu bah r ni.,"Pok cik kalu yolo saye ko Shu ,pok cik sapa smeta agy"..n memey Pok cik akey sapa dop lamo lepah 2..key cik lavender?

kito do'o[doa] Pok cik Redio sihat sokmo..bleh ata sep2 kito balik umoh cepat2 nanak aghi.ameen3x.so agy biarla tambey bas kito turun..surcharge gedio gak..ish2!insya'ALLAH!so agy..Pok cik bo la..bukok redio hok dop pekdoh uh..bukok la IKIM.FM plop..hehe..letih doh Shu dok jiwo dale bah..huh!sore2 plop..huhu~~~

*Tikah pesey,hari Sabtu ni tambey bah free...300 penumpey bah hok awa bleh kedit maxis free..duo2 stesen bah..kecik nge besa.. Tikah kato..buke Shu!

-kito sokmo kelih barey hok ore len ado.dekki jadik.sapa kito dop ingat barey hok kito ado-

wassalam~~~

serphsedho

3:36 pagi,16 syaaban 1430 srupo la jugop 7/8/09...